A BIBLIO DO PINTOR LAXEIRO: mayo 2013

jueves, 30 de mayo de 2013

viernes, 17 de mayo de 2013

DÍA DAS LETRAS GALEGAS
17 de maio de 2013

ROBERTO VIDAL BOLAÑO (1950/2002)

Dramaturgo, actor e cineasta

Nesta páxina podedes ver unha serie de enlaces con información de Roberto Vidal Bolaño elaborada e publicada por distintos organismos e centros educativos, así como unha recompilación de actividades e recursos para traballar nas aulas.

Cada editora vai sacando á luz a súa achega ao autor das Letras.

Comezaran as Obras completas da man de Positivas, unha editora disposta mostrar todas e cada unha das pezas.

Camilo Franco, segue con Dez obras na vida de Roberto Vidal Bolaño, un ensaio a modo de percorrido pola obra e a vida do autor, publicado por Biblos Clube de Lectores.

Laura Tato, da man de Toxosoutos, publica Roberto Vidal Bolaño. Unha vida para o teatro, na que a especialista na historia do teatro galego se aproxima a esta figura enmarcándoa no contexto do teatro galego da segunda mitade do século XX.

Da man da editorial Galaxia presentouse o libro DVD Un chapeu negro e un nariz de pallaso. Tras os pasos de Roberto Vidal Bolaño, de Montse Pena e Gonzalo Enríquez Veloso.

Edicións Xerais de Galicia publicou o obra do profesor, da Escola Superior de Arte Dramática, Roberto Pascual Rodríguez Roberto Vidal Bolaño e os oficios do teatro que se centra nos múltiples oficios propios do teatro e nos que Roberto traballou incansablemente, e no que destacamos unha pequena selección de fragmentos de pezas que poden servir para abrir boca.

Roberto Vidal Bolaño e o xogo do teatro, escrito por Afonso Becerra de Becerreá, é aposta de edicións Laiovento. Na mesma editorial podemos acceder a A obra dramática de Roberto Vidal Bolaño de Xosé Manuel Fernández Castro.
Roberto Vidal Bolaño, escritor escénico: estudios críticos seguidos da comedia "Anxeliños". Da autoría de Carmen Becerra e Teresa Vilariño, publicado por Tris Tram, en 2002
A propósito de Roberto Vidal Bolaño: carteis de Fausto para Teatro do Aquí, publicado por El Patito Editorial.E máis obras que irán aparecendo ao logno do ano en curso.

Publicado 2 days ago por Asesoría Bibliotecas Escolares
Etiquetas: Novas de literatura Teatro libros e audiovisuais

ACTIVIDADES DESENVOLVIDAS POLO NOSO COLEXIO

Para ver as actividades que desenvolvemos nesta semana das Letras Galegas, abride o enlace ao blog do Equipo de Dinamizacion da Lingua Galega do noso colexio.

http://notmaliza.blogspot.com.es/
ALGÚNS RECURSOS

Magnífica cronoloxía de Roberto Vidal Bolaño publicada por culturagalega.org:

http://www.tiki-toki.com/timeline/entry/131143/Roberto-Vidal-Bolao#vars!date=1954-04-15_18:21:45!

O Seminario Galán publica no seu blog uns estupendos recursos para traballar nas ulas:

http://seminariogalan.org/inicio/portada

Asunción García Álvarez do CEIP Víctor Sáez:

https://sites.google.com/site/recursosrobertovidalbolano/

viernes, 3 de mayo de 2013

23 DE ABRIL

DÍA MUNDIAL DO LIBRO

PROGRAMACIÓN

O alumnado de 6º curso de primaria traballou moito para conmemorar o Día do Libro.

Cada un deles escolleu un ou dous libros para ler aos máis pequenos de infantil e do 1º ciclo de primaria.

A semana anterior cada aula tiña que escribir unha carta a Gromiño – a mascota da biblioteca- e botala na Caixa Máxica para solicitar a participación nunha actividade especial e así conmemorar o Día do Libro l!!.

O día 23, baixo a porta de cada aula chegaron por arte de maxia unhas palabras ...

Que significaban estas palabras?. Non sabían. En principio soamente tiñan que saír da aula e buscar polo patio.

Sorpresa!!!

No patio se atopaban uns nenos durmidos e cun libro na man!.

Decatáronse que as notas que lles botaron pola porta coincidían cos títulos dos libros. O único que tiñan que facer era sentarse tranquilamente ao redor de cada neno/a e esperar...

Esperar a que espertasen.

E ...COMEZOU a actividade!